CareerOlympiads

Beynəlxalq Trans-Xəzər Karyera Olimpiadası təhsil və rəqəmsallaşma sahəsində böyük peşəkar təcrübəyə malik komanda tərəfindən təqdim olunur. Komanda üzvlərinin bir çoxu beynəlxalq layihələrin uğurla həyata keçirilməsində iştirak etmiş və bəzilərinə rəhbərlik etmişdir.

Layihənin güclü tərəfi — təcrübəli və gənc iddialı şəxslərin sintezindən ibarət olan komandadır. Onları bu layihənin uğurla həyata keçirilməsi ideyası birləşdirir və hər biri böyük yaradıcılıq imkanlarına malikdir.

Pedaqogika üzrə fəlsəfə doktoru, dosent İdeya müəllifi və həmtəsisçiVaqif Ələkbərov

Təhsil üzrə ekspert | Pedaqogika üzrə fəlsəfə doktoru | Dosent

Dr. Vaqif Ələkbərov təhsil sahəsində geniş təcrübəyə malik tanınmış mütəxəssisdir. Onun fəaliyyəti akademik rəhbərlik, pedaqoji innovasiyalar və beynəlxalq layihələrin idarə edilməsi sahələrini əhatə edir.

O, Pedaqogika Elmi-Tədqiqat İnstitutunun direktor müavini və Azərbaycan Respublikası Hökuməti, həmçinin Prezident Administrasiyasında təhsil üzrə məsləhətçi vəzifəsində çalışmışdır.

Dr. Ələkbərov bir sıra təhsil və konsaltinq təşəbbüslərinə rəhbərlik etmişdir, o cümlədən “İstedad” İstedadlı Uşaqlar Assosiasiyası və Konsaltinq Şirkətləri Assosiasiyasına.

O, həmçinin İstedadlı Uşaqlar üçün Bakı Avropa Liseyinin yaradıcısı və psixoloq və pedaqoqlardan ibarət komandanın rəhbəridir. Bu təhsil ocağı istedadların inkişafı və müasir pedaqogikanın tətbiqi sahəsində qabaqcıl müəssisə kimi tanınır.

Onun beynəlxalq təcrübəsinə aşağıdakı fəaliyyətlər daxildir:

Afrika və Mərkəzi Amerikadakı inkişaf etməkdə olan ölkələrdə təhsil üzrə ekspert;
BMTİP-in “Sumqayıt Xüsusi İqtisadi Zonası” layihəsinin milli koordinatoru;
Avropa İttifaqının TACIS proqramı çərçivəsində “SMEDA – Kiçik və Orta Sahibkarlığın İnkişafı Agentliyi” layihəsinin direktoru;
Avropa İttifaqının TACIS “Europartneriat” proqramının milli koordinatoru;
“Qafqaz və Xəzəryanı regionda biznes əməkdaşlığının inkişafı” layihəsinin direktoru.

Texnika elmləri doktoru, professor, həmtəsisçiElçin Əliyev

İKT və sistem inteqrasiyası üzrə ekspert | Texnika elmləri doktoru | Professor

Professor Elçin Əliyev informasiya-kommunikasiya texnologiyaları, inteqrasiya olunmuş sistemlər və rəqəmsal transformasiya sahəsində tanınmış mütəxəssisdir.
O, Transxəzər regionunda elektron hökumət və rəqəmsal xidmətlər sahəsində lider şirkət olan SINAM şirkətinin prezidentidir.

Eyni zamanda, Azərbaycan Respublikası Elm və Təhsil Nazirliyinin İdarəetmə Sistemləri İnstitutunda “İntellektual qərar qəbuletmə metodları və kompüter sistemləri” laboratoriyasına rəhbərlik edir.

Professor Əliyev bir sıra beynəlxalq və ictimai təşkilatlarda fəal iştirak edir:

Azərbaycan Sahibkarlar Konfederasiyasının İnnovasiyalar və Rəqəmsallaşma Komitəsinin sədri;
Avrasiya Xalqları Assambleyasının Arktik Şurasının həmsədri;
NATO-nun “Science Program” layihəsinin həmmüdiri;
Xəzər Biznes İnteqrasiya Klubunun İnformasiya və Kommunikasiya Texnologiyaları Klubunun prezidenti.